Como se desempata na clasificación dun grupo?

Só cos partidos entre os equipos empatados: resultado directo, diferenza e puntos a favor neses enfrontamentos, non a diferenza xeral fronte ao resto do grupo. Resólvese automaticamente ao completar o grupo, e se aínda non xogaron todos entre si podes fixar ti a orde a man.

Pódense clasificar os mellores terceiros de todos os grupos?

Si. Se o tamaño do cadro é maior que grupos × clasificados por grupo, os ocos restantes énchense cos mellores seguintes clasificados comparando entre todos os grupos, por exemplo os dous mellores terceiros.

Formatos e brackets de torneos 3x3

O sistema de competición configúrase por categoría, non para todo o evento: podes ter unha liga en U10 e un cadro eliminatorio en sénior dentro do mesmo torneo. Esta guía explica os formatos dispoñibles, como se reparten os grupos e se sortea o cadro, e como se resolven os empates.

1 Escolle o formato
2 Axusta os parámetros
3 Reparte grupos / sortea o cadro
4 Xera os partidos

Configúrase por categoría. Ao xerar os partidos, os grupos e a sementeira quedan bloqueados.

01Os catro formatos

Liga — todos contra todos.
Liga + Eliminatorias — liga e despois cadro entre os mellores.
Grupos + Eliminatorias — fase de grupos e despois cadro. O máis habitual no 3x3.
Eliminatorias — cadro directo, sen fase previa.

Con inscrición libre o normal é escollelo ao pechar a inscrición, cando xa sabes cantos equipos hai. Ata entón a categoría aparece como Sen formato.

02Voltas (liga e grupos)

Decides cantas veces se enfronta cada parella: 1 volta (todos contra todos unha vez), 2 voltas (ida e volta, invertendo local e visitante) ou 3. En Grupos + Eliminatorias as voltas afectan só á liguiña de cada grupo; a fase eliminatoria non cambia.

03Grupos: cantos e quen pasa

Con fase de grupos configuras tres cousas:

Grupos ou equipos por grupo — automático ou á túa medida.
Avanzan por grupo — cantos se clasifican de cada un.
Tamaño do cadro final (KO) — entre 2 e 64 clasificados.

Aquí está a parte útil: se o tamaño do cadro é maior que grupos × avanzan, os ocos énchense cos mellores seguintes clasificados comparando entre todos os grupos —os clásicos "mellores terceiros"—. E o cadro non precisa ser potencia de 2: se non o é, redondéase cara arriba e os mellores cabezas de serie pasan directos á seguinte rolda con exención (bye). Con 12 equipos non tes que forzar un cadro de 8 nin inventarche unha repesca.

04Reparte os grupos

Gardado o formato, toca formar os grupos: aleatorio ou manual arrastrando equipos. Se non che convence o reparto, volve a repartir as veces que faga falta. A app avisa dos grupos baleiros ou desequilibrados e non che deixa xerar os partidos se queda algún equipo sen asignar. Se cubriches o ranking FIBA do equipo, esa información veraa nese momento, para separar os cabezas de serie correctamente.

05Sortea o cadro

Nos formatos con eliminatorias séméntase o cadro: define as cabezas de serie de forma aleatoria ou manual, coa opción de volver a sortear ou pasar dun modo a outro antes de pechar. Podes incluír o partido polo terceiro posto (require un cadro de polo menos 4 equipos).

Cadro eliminatorio dunha categoría: dúas semifinais (1A-2B e 1B-2A) que alimentan a final. — **Cadro eliminatorio** — debúxase só a partir dos clasificados; aquí, dúas semifinais cara á final.

06Xera os partidos

Cos grupos repartidos ou o cadro sorteado, xera os partidos. A partir dese momento os grupos e a sementeira quedan bloqueados, e xa podes programar o calendario do evento.

Se máis adiante gardas un formato distinto, rexenérase o cadro e elimínanse os partidos desa categoría, incluídos os programados ou xogados cos seus resultados. A aplicación avísate e pídeche confirmación escrita.

07Clasificación e desempates

O desempate só mira os partidos entre os equipos empatados, e resólvese de forma distinta segundo o modo: estrito (como en FIBA) ou libre (resultado directo, diferenza e puntos a favor neses enfrontamentos). Aplícase só ao completar o grupo; se aínda non se xogaron todos eses partidos, a app dicheo.

Clasificación por grupos: Grupo A e Grupo B coa etiqueta «Clasifican (top 2)» e columnas PX, PG, PP, PF, PC, +/- e Pts. — **Clasificación por grupos** — marca en verde quen pasa; a etiqueta «Clasifican (top 2)» indica cantos avanzan de cada grupo.

Dous axustes que evitan sorpresas:

Tope de puntos na media — limita cantos puntos dun partido contan para o promedio, para que unha goleada non distorsione o ranking entre equipos igualados (en regras oficiais, 21).
Ocultar PC e diferenza — deixa a clasificación pública só con puntos a favor e puntos de clasificación, útil en torneos oficiais onde chegar a 21 é o único obxectivo.

Preguntas frecuentes

O cadro ten que ser de 4, 8 ou 16 equipos?

Non: de 2 a 64, e se non é potencia de 2 os mellores pasan con exención (bye).

Como se desempata nun grupo?

Só cos partidos entre os empatados ao finalizar o grupo.

Pódense clasificar os mellores terceiros?

Si claro, os mellores 2º, 3º, 4º,... o que ti decidas no teu formato de xogo.

Podo facer os grupos e o sorteo a man?

Si, ambos admiten modo manual e pódense repetir antes de xerar os partidos.

Podo cambiar o formato unha vez xerado o cadro?

Si, pero rexenerar borra os partidos desa categoría e os seus resultados.